KIDUNG TAMASE

Santari kemang ko sia

Liuk padenung ke nyawa

Asa diri ya sumping

ka neja bewe nong gili

Samin mo bangka leng labu

Ya tari datang bagian

Ajan nongka samula

Ya ai bewe leng ujan

No gunter nuret basenda

To lusit mo godong kamula

Tiup leng angin ngareong

Luk nanta ka nonda jangi

Jangi si intan rua na

Sansai untung ke sempu

Onang ate no rela

romantis itu adalah RICECOOKER

Kemarin ku kasih kejutan buat isteriku, RICE COOKER, alasanku aku hanya peduli biar dia tidak perlu repot dan sibuk menanak nasi setiap pagi, tak ku sangka ternyata karena alasan itu dia menganggapku romantis, ahh seharusnya aku membeli centong nasi, bukan ricecooker harganya lebih murah jadi aku bisa romantis tiap hari.

Lawas Panan

Mutung lokar leng pamongka
Kakan rena sebir ai
Saling angkang ke pen penjeng

Ku kamusan ke tu loka
Suru lema basawai
No to tegas nonda manjeng

Lawas Viden Sapuin

Sanapat

Pesan bapak ku pang desa:
Lamen mu lalo ko lombok
gama mu bya sabage
Timal ujan menta macam
Na to angkang kpet leang
Mu malekong mara komak
Palar angat api barak

Ta lawas Nonda Jodoh 
Ka mu arap ya mu sumping
Konang ka kendung mu denung
Kemang tumung leng batu bong
Mu saling sabar gama na

Ku bada kau Adi e:

Aku ta puin baringin
Ramba din mu tulang
Na gama sate mu usi
Kna ya belo rara ate 

Tu balawas tawa KMP Munawar

Kapal bendru bilen labu
Susung barat gili belo
Tenga mo petang gila e

aku tampar labu tano
Tari rungan nan ya dapat
Putis hajat leng tenga lit

Rungan sia ka kalumpak
Ungkap mo suar tanenang
Koasa nene bajatu

Lawas by: Viden Sapuin

Ta nya na padede tawa nene tau nonda jodoh:

Selam mo ano gila we
pio mole mo ko gili
tutet mega ano rawi
kompal maras saling turet

nan maras ka saling turet
siup ngibar bilen tampar
dapat panyampang baseka
saling bya do mo tokal
nan luk lamin nonda jangi

by: Viden Sapuin